ကျွန်တော့်ဘလော့အကြောင်းစပြောပါမည်။ ကျွန်တော့်ဘလော့၏မူရင်းအမည်မှာ စစ်ခွေးတွေကို သတ်ကြရအောင်ဖြစ်ပါသည်။ blog address မှာ http://www.armydogkiller.blogspot.com/ ဖြစ်ပါတယ်။ နောက်တော့အကြောင်းအမျိုးမျိုးကြောင့် အားနာတာလည်းပါပါတယ် ပြည်ထောင်စုမြန်မာနိုင်ငံ (Union of Myanmar) ဆိုပြီးပြောင်းလိုက်ပါတယ်။ blog address ကိုလည်းပြောင်းဖို့ကြိုးစားပါတယ်။ ဒါပေမယ့် စလုပ်ကတည်းကနာမည် ဖြစ်တာရယ် ပြောင်းလို့မတတ်တာရယ်ကြောင့်ပါ။ ကျွန်တော်သဘောက ဘလော့ရေးတာထက် ဘလော့တွေလိုက်ဖတ်ရတာ လျှောက်အော်ရတာဝါသနာပါပါတယ်။
အမှန်ဘလော့ဖတ်တာထက် အဲဒီမတိုင်ခင် ၂၀၀၇ နှစ်စပိုင်း Myanmar Tea Shop Forum ငြင်းကြခုံကြတာတွေ ရန်ဖြစ်တာတွေ ဆဲဆိုကြတွေတာ ဖတ်ဖြစ်ပါတယ် တခါတလေ ကိုယ်တိုင် ၀င်ပြီးအတို့အထောင်လဲလုပ်ပါတယ်။ နိုင်ငံရေးကြောင့် ဖြစ်တာများပါတယ်။ MaungSan ဆိုတဲ့လူ တို့ထောင်တာ ပိုများတယ်ထင်တယ် ခုတောင် မြင်နေသေးတယ် BBC zombie တွေပါလေ မဟုတ်ပါဘူးလေ သေချာဖတ်ပါလေ ဆိုပြီးတော့… မှတ်မိကြအုံးမှာပါ။ နောက်မှတ်မိသလောက် (မေ့တတ်ပါသည်။) ကဒေါင်းညင်သာ ထင်တယ် MaungSan က Admin ဆိုတာကြီးနဲ့တက်လာတယ်ဆိုပြီးဖွလိုက်တာ (မှားရင်ပြင်ပေးပါ) Myanmar Tea Shop Forum ကြီးဒေါင်းသွားရော.. တခြားအကြောင်းကြောင့် လည်းဖြစ်နိုင်ပါတယ်။ (ဥပမာ မွဲသွားလို့) နောက်တော့ ကိုယ်ပိုင်ဘလော့တွေတည်ဆောက်ကြပါတယ်။ ကျွန်တော်က အဲဒီအချိန် အင်တာနက်မရှိတဲ့နေရာ ရောက်နေတာလည်းပါပါတယ် ဘလော့တွေ အကြောင်းသိပ်မသိတော့ပါဘူး။
၂၀၀၇ စက်တင်ဘာ သံဃာတော်တွေ မေတ္တာပို့လမ်းလျှောက်တော့ ကျွန်တော်ရန်ကုန်မှာပါ။ ခွေးပြေးဝက်ပြေး ပြေးတဲ့အထဲပါပါတယ်။ (ကင်မရာရှေ့တွေဖြတ်မပြေးမိခဲ့တာနာတာဘဲ သက်သေပြစရာမရှိဘူး။) နောက်တော့ ကိစ်စတစ်ခုပေါ်လာတာနဲ့ ထိုင်းနိုင်ငံကိုလာခဲ့ပါတယ် (ထွက်ပြေးတာမဟုတ်ပါ။ ပတ်စဖို့နဲ့ MAI ကြီးစီးပြီးလာတာပါ) ကိုယ့်ကိစ်စနဲ့ကိုယ်ပါ နိုင်ငံရေးမဟုတ်သလို ပြည်သူအရေးလဲမဟုတ်ပါ။ (ဘယ်သူကမေးလို့လဲ) ဘန်ကောက် ရောက်တော့ ဘလော့တွေက သံဃာအရေးအခင်းကပုံတွေကို ပြည်တွင်းကတဆင့်ပို့ပေးတာတွေ တင်ကြ (မသိပါဘူးလေ ထင်တာပြောတာပါလေ။ မှတ်ချက် MaungSan လေ) တာတွေ့တော့ .. (သတင်းဌာနတွေကလည်းယူသုံးကြသည်ဟုထင်သည်) (ထင်တာတွေများသည် ဆောရီးပါ) ကျွန်တော်သိရသလောက် မိုးဇက်ဘလော့ (အခုရှိမရှိမသိ) နစ်နေမန်း၊ ကိုထိုက်တို့ တင်ကြတာ တွေ့ရပါသည်။ ကိုယ်တိုင်လည်းကြုံခဲ့ရတော့ (တပ်မတော်ရဲ့သဘောထားကို ၈၈ ထဲကသိတာပါ) စစ်တပ်ကို ဆော်ချင် အော်ချင်လာပါတယ် ဆဲချင်တာလည်းပါပါတယ်။ (အထဲမှာဆဲရင်သိတဲ့အတိုင်းဘဲ) ဘလော့ဘယ်လို ဆောက်သလဲဆိုတာ ဘလော့တကာဝင်ကြည့်ပြီး ကိုယ်ပိုင်ဘလော့တစ်ခုဖန်တီးပါတယ်။
အောက်တိုဘာလလောက်ကလို့ထင်ပါသည်။ ကိုယ်ဟာကိုယ်အော်ဖို့ ကိုယ်လုပ်ချင်တာလုပ်ဖို့ ဘလော့တစ်ခုဆောက်ပါသည်။ (ယခုလည်း ဟဲဟဲ ကိုယ့်အတွက်ပါဘဲ) ဒါခြေဆင်းပါ ကိုယ့်ကိုကိုယ်ကြော်ငြာတာများသွားပြီ..
ဘလော့ဆိုသည်မှာကျွန်တော်ထင်သည် လွတ်လပ်ခွင့်မရှိသော၊ ထိန်းချုပ်လွန်းသော ဆင်ဆာဖြတ်တောက်လွန်းသော စစ်အစိုးရအုပ်ချုပ်သည့် မြန်မာနိုင်ငံအတွက် ကိုယ်ထင်တာ ကိုယ်တင်ပြပိုင်ခွင့်ရှိသော၊ ကိုယ်ဖန်တီးတဲ့ လွတ်လပ်တဲ့ အနုပညာကို ကိုယ်နဲ့တူရာအစုအဖွဲ့ကို ဝေမျှပေးသော ကိုယ့်ယုံကြည်ချက်ကို ရင်ဘတ်ခြင်းတူသူခြင်း အပြန်အလှန်လဲဖတ်သော (ကိုယ်ကျင့်တရားလေး တော့ထားဖို့လိုသည်) လွတ်လပ်တဲ့ လေထု (Independent atmosphere) လို့ကျွန်တော်ထင်ပါသည်။ မောင်ကောင်းအောင် ပြောသလို (လူကြီးလူကောင်းတို့အတွက် လွတ်လပ်စွာထုတ်ဖော် ရေးသားခွင့်ဆိုတာက ဟောဒီ အင်တာနက် နယ်ပယ်လေး တခုပဲ ရှိသလို ဖြစ်နေခြင်းဆိုသော အချက်လေ) ဆောရီး မောင်ကောင်းအောင် ရည်ညွှန်းတာပါ တခြားရည်ရွယ်ချက်မရှိပါ။ လူတော်တွေဆီကရည်ညွန်းရတာပေါ့ဗျာ။ ဆောင်းပါးနာမည်ကိုက မြန်မာဘလော့တွေကပြောတဲ့ ဘလော့များအကြောင်းဖြစ်နေတာကိုး…
ကဲစပြီ မြန်မာဘလော့တွေကပြောတဲ့ ဘလော့များအကြောင်း ကျွန်တော်ဘလော့တွေ လိုက်လှည့်ပတ် ကြည့်တော့ ကျွန်တော်အမြင်သိပ်မကြည်လင်တာလေးသွားတွေ့တယ်။ (မင်းကဘာကောင်မို့လို့လဲ ဘလော့ဘိုးအေတွေတောင် ဘာမှမပြောတာ မင်းဝင်ပြောရအောင်) ဟုတ်ကဲ့ ဘာကောင်မှ မဟုတ်ပါဘူး..
ကျွန်တော်ပြောချင်တာ ဖြစ်ကြောင်း ပြောပါရစေ.. အခုမှစတာ… ဆော်ကြအော်ကြတဲ့ ပြောင်လှောင်တဲ့နေရာ မှာလည်းသိပ်ကြမ်းတဲ့ ရိတဲ့နေရာရွဲ့တဲ့နေရာမှာလည်းဆရာတဆူဘလော့များဖြစ်ကြတဲ့ မောင်ဒိုင်း၊ မောင်ကျည်ပွေ့၊ နေနတ်နွယ်၊ ကိုလျှာရှည် နှင့် ရွှေဘိုသား စတဲ့ဘလော့များတွင် သူတို့ညွှန်းခြင်သော link များကို ဘလော့နာမည် ဒါမှမဟုတ် ဘလော့ပိုင်ရှင်နာမည်များသို့ ညွှန်းတတ်ကြပါသည်။ (ဒါကဒီဘလော့တွေကိုဥပမာပေးတာပါ) သူတို့သည် များသောအားဖြင့် ရုရှားတွင်နေသော စစ်ဗိုလ်များကိုပြောင်လှောင်တာများသောအားဖြင့် တွေ့ရပါသည်။ ရုရှားက အပြောင်ခံ ရသော စစ်ဗိုလ်များကကော သူတို့ညွှန်းခြင်သော သူတို့ကြိုက်သော ဘလော့များကို ထိုနည်းလည်းကောင်း ညွှန်းတာများပါသည်။ ကောင်းကောင်းမွန်မွန်ပါဘဲ။ တွေ့ပါပြီ တွေ့ပါပြီ… အမျိုးချစ်သူဘလော့ သူက နှစ်မျိုးခွဲထားတယ် ဂုဏ်သရေရှိဘလော့ နဲ့ခွေးဘိနပ်များ…. သူရုရှားက စစ်ဗိုလ်မဟုတ်ပါဘူး (နှိုင်းတာမဟုတ်ကြောင်း၊ ချော့ရသေးတယ်၊ ပစ်မှာစိုးလို့) ထင်တာလေ အောက်က အမျိုးချစ်သူ ရဲ့ စီဘောက်ကိုကြည့်ပါ..
ကျွန်တော်ရုရှားက ပညာသင်နေတဲ့သူတွေ မော်စကို blog gathering လုပ်တော့သွားပြောင်တော့ သူလဲပါမယ်ထင်ပြီး ပြောင်မိပါတယ်။ ပိုင်ရှင်ဆိုသူကရှင်းထားတာပါ။ (ပြောင်တာအကျင့်ပါ။ မဖြောင်တတ်ပါဘူး) သူညွန်းထားတဲ့ ဂုဏ်သရေရှိကထားပါတော့ ခွေးဖိနပ်ဆိုတာ သူအဓိပါယ် ဖွင့်ထားတာက (ကျွန်တော်ဆိုလိုသော ခွေးဖိနပ်ဆိုသည်မှာ ပြည်ပတွင်ရှိသောသူများအားလုံးကို မဆိုလို။ မြန်မာနိုင်ငံကိုချစ်ချင်ယောင်ဆောင၊် မြန်မာနိုင်ငံကိုအထင်သေး၊ မြန်မာလူမျိုးတွေကို အမျိုးမျိုးသွေးခွဲပြီး နိုင်ငံတော်ပြိုကွဲအောင်လုပ်နေတဲ့ စိတ်ဓာတ်အလွန်တရာ အောက်တန်းကျတဲ့ သူများပေးစာကမ်းစာစားပြီး ကိုယ့်နိုင်ငံနဲ့ အစိုးရကို အပုပ်ချနေသော သူများကိုသာ ဆိုလိုသည်) တဲ့ ဒီကိစ်စကိုမရှင်းပါဘူး ကျွန်တော်အမြင်မကြည်တဲ့ အကြောင်းသာဆိုလိုရင်းပါ။ အောက်မှာထပ်ကြည့်ပါခင်ဗျာ အမျိုးချစ်သူဘလော့ရဲ့ ခွေးဖိနပ်ဆိုသူတွေ
သူဟာသူမြင်သလိုလုပ်ထားတာမင်းဘာဆိုင်လို့ ခါးနာတာလဲ ကျွန်တော်ကလဲ ပြောပါ့မယ် ကျွန်တော်မြင်တာ ပြောချင်လို့ပါဆို.. နောက်ခွေးဖိနပ်ထဲပါသူတွေရော (အားနာပါတယ်ဗျာ) ပြောင်လှောင်ဘလော့တွေရော၊ ရုရှားမှ ဘလော့ဂါတွေရော ကျွန်တော်ကိုဘာမှမပေးထားပါဘူးဗျာ သွားကြောင်ရင်တောင် ရိုက်လွှတ်မယ့်လူတွေပါ။ ကျွန်တော်လဲပေးစရာမရှိဘူးဗျ။ (ကျားကန်ထားသည်) နောက်ထပ်တွေ့ပါပြီဗျာ Light of Myanmar သူလဲ နှစ်မျိုးခွဲထားတယ်။ ဂုဏ်သရေရှိ နှင့် အရေမရအဖတ်မရဘလော့။ သူတော့ ပုံနဲ့မညွှန်းတော့ဘူး မရိုင်းလို့.. ကျွန်တော်ဒီဘလော့နှစ်ခု သွားပါတယ် လည်ပါတယ် စာတွေဖတ်ပါတယ် နောက်လဲသွားမှာပါ ငြင်းစရာရှိ ငြင်းမယ် ဖတ်စရာရှိဖတ်မယ် အော်စရာရှိအော်မယ်.. အမြင်မကြည်ရင်လဲ ကျွန်တော်ပြောပြီးပါပြီ ကျွန်တော် ပြောချင်တာပြောဖို့ ဘလော့လုပ်ထားတာပါလို့ ….
စတုတ္ထမြန်မာနိုင်ငံကို စတင်ထူထောင်ခဲ့သော သူသည် ရိုးသားသည် ဟူသောဂုဏ်ပုဒ်၊၊ မြန်မာ့လွတ်လပ်ရေးအတွက် တစိုက်မက်မက်ဆောင်ရွက်ခဲ့သော သူ့အရည်အချင်း၊ ပြည်သူများတသသဖြစ်စေအောင်လုပ်ခဲ့သူဖြစ်သည်။ သူသည်မြန်မာ့လွတ်လပ်ရေးရဲ့ ဖခင်ကြီး ဖြစ်ပြီး၊ စတုတ္ထမြန်မာနိုင်ငံ၏ တပ်မတော်ကို ဖွဲ့စည်းခဲ့သော သန္ဓေအစဖြစ်သည့် ရဲဘော်သုံးကျိပ်တွင် ခေါင်းဆောင်ဖြစ်ကာ ခေတ်သစ်မြန်မာ့တပ်မတော်ကို ထူထောင်ခဲ့သူဖြစ်သည်။ မြန်မာနိုင်ငံတွင် လူထုထောက်ခံမှုအများဆုံးရရှိသောသူသည် တိုင်းရင်းသား စည်းလုံးညီညွတ်မှုကို ပုံဖော်ပေးခဲ့သူဖြစ်သည်။ လူငယ်များ၏ စံထားလောက်သော၊ စံထားသင့်သော ခေါင်းဆောင် တစ်ယောက် ဖြစ်သည်။ လူမသမာတို့၏ လုပ်ကြံမှုကြောင့် ကျဆုံးခဲ့သော အာဇာနည်ပုဂ္ဂိုလ်တစ်ယောက်ဖြစ်သည်။
သူသည် လွတ်လပ်သောမြန်မာနိုင်ငံကို ၀န်ကြီးချုပ်အဖြစ် ပထမဆုံး ဦးဆောင်ပေးခဲ့သော နိုင်ငံခေါင်းဆောင်တစ်ယောက်ဖြစ်သည်။ သူ့လက်ထပ်တွင် ပြင်းထန်လှသော ပြင်တွင်းစစ်ဖြစ်ပွားခဲ့သည်။ သူသည်မြန်မာ့လွတ်လပ်ရေး အခန်းကဏ္ဍတွင် မမေ့ထားအပ်သော ပုဂ္ဂိုလ်တစ်ဦးဖြစ်သည်။ သူဖော်ဆောင်ခဲ့သော မြန်မာပြည်စီးပွားရေးစီမံကိန်းတစ်ခုဖြစ်သော ပြည်တော်သာစီမံကိန်းသည် မြန်မာပြည် စီးပွားရေးဖွံ့ဖြိုးတိုးတက်စေရန် ဆောင်ရွက်ချက်တစ်ခုဖြစ်သည်။ ယနေ့ စစ်အစိုးရပုံမှားရိုက်ထားသော နိုင်ငံတော်ဖွံ့ဖြိုးရေး စီမံကိန်းများသည် သူ၏ပြည်တော်သာစီမံကိန်းကို ပုံတူကူးထားသည်။ ပြည်တော်သာစီမံကိန်းတွင် မဆောင်ရွက်လိုက်ရသော်လည်း ပါဝင်သည့် စီမံကိန်းများအနက် မူးမြစ်ဝှမ်းစီမံကိန်း (စိုက်ပျိုးရေးနှင့်လျှပ်စစ်ကဏ္ဍ) နှင့် စစ်တောင်းမြစ်ဝှမ်းစီမံကိန်း (စိုက်ပျိုးရေး နှင့် လျှပ်စစ်ကဏ္ဍ) တို့သည် ယခုခေတ် စစ်အစိုးရလက်ထက်တွင် အဓိကလုပ်ငန်းများဖြစ်သည်။ ပါလီမန်ဒီမိုကရေစီစနစ်ကို ယုံကြည်သော သူသည် ပြည်သူလူထု၏ရွေးကောက်တင်မြှောက်မှုနှင့်သာ အစိုးရဖွဲ့ခဲ့သောသူဖြစ်သည်။
လွတ်လပ်သော ခေတ်သစ်မြန်မာနိုင်ငံကို ပထမဆုံး စစ်တပ်အာဏာ သိမ်းမှုကိုခေါင်းဆောင်ခဲ့သော ပုဂ္ဂိုလ်တစ်ဦးဖြစ်သော သူသည် စတုတ္ထမြန်မာနိုင်ငံ တပ်မတော်ကို ဖွဲ့စည်းခဲ့သော သန္ဓေအစဖြစ်သည့် ရဲဘော်သုံးကျိပ်တွင် ပါဝင်ခဲ့သောသူတစ်ဦးဖြစ်သည်။ မယားအများအပြားယူကာ နိုင်ငံတော်ဘဏ္ဍာကို သုံးဖြုန်းခဲ့သောသူသည် နိုင်ငံတော်အာဏာကို အစွန်းဆုံးအထိချုပ်ကိုင်ကာ အဆင်းရဲဆုံးနိုင်ငံဘ၀သို့ တွန်းပို့ခဲ့သည်။ တစ်ပါတီမဆလ အာဏာရှင်စနစ် ထူထောင်ခဲ့သောသူသည် မြန်မာ့တပ်မတော်ကို သူစေလိုရာ ပြည်သူလူထုကို နှိပ်စက်သည့် စစ်တပ်ဖြစ်အောင် ပုံသွင်းယူခဲ့သည်။ ကျောင်းသားများကို ဓား ဓားခြင်း၊ လှံ လှံခြင်း (တကယ်တော့ လက်နက်မရှိသူများကို သေနက်နှင့်ရင်ဆိုင်ခဲ့သူဖြစ်သည်။) ဟုပြောခဲ့သောသူသည် လက်နက်မဲ့ကျောင်းသားများ၏ သမဂ္ဂအဆောက်အဦးကို ဒိုင်းနမိုက်နှင့်ခွဲခိုင်းခဲ့သည်။ ဆူပူအောင်လုပ်သူများကို သေနက်နှင့်တည့်တည့်ပစ်မည်ဟု ခြိမ်းခြောက်ခဲ့သောသူသည် မြန်မာနိုင်ငံ၏ ပညာရေး နှင့် ကျန်းမာရေးကဏ္ဍ တို့ကို အောက်ဆုံးရောက်အောင်တွန်းပို့ခဲ့သည်။ သူ့ကို မြန်မာပြည်သူများက ၁၉၈၈ ခုနှစ်တွင် ထုနှင့်ထည်နှင့် နိုင်ငံအ၀န်းဆန္ဒပြကာ ဖယ်ရှားပစ်ခဲ့သည်။ သူသည် ခေတ်သစ် မြန်မာနိုင်ငံ တွင် စစ်တပ်အာဏာသိမ်းကို နှစ်ကြိမ်တိုင်ခေါင်းဆောင်ခဲ့သည့် အပြင် တတိယအကြိမ်စစ်တပ်အာဏာသိမ်းမှုကိုလည်း နောက်ကွယ်မှ ကြိုးကိုင်ခဲ့သည်။
ဘဲဥတစ်လုံး နှစ်ကျပ်ခွဲ စိန်လွင်ခေါင်းကိုခွဲ၊ ဆန်တပြည် ဆယ့်ခြောက်ကျပ် စိန်လွင်ခေါင်းကိုဖြတ် ဟု ၁၉၈၈ ခုနှစ်က ပြည်သူလူထု၏ လှောင်ပြောင်ခြင်းကိုခံခဲ့ရသောသူသည် မြန်မာပြည်သမိုင်းတွင် ၁၈ ရက်သာခံခဲ့သော နိုင်ငံခေါင်းဆောင်တစ်ဦးဖြစ်သည့်အပြင် သူ့လက်ထက်တွင် လက်နက်မဲ့ဆန္ဒပြသူများကို ပစ်သတ်ရန် စစ်တပ်ကိုအမိန့်ပေးခဲ့သူဖြစ်သည်။ အရှင်ဖမ်းမိသော တိုင်းရင်းသားကရင်ခေါင်းဆောင် စောဘဦးကြီးကို ပစ်သက်ခဲ့သူဟု စွပ်စွဲခံရသောသူသည် ရန်ကုန်တက္ကသိုလ်ကျောင်းသားသမဂ္ဂကို ဖြိုဖျက်ရာတွင် လက်တွေ့ပါဝင်ခဲ့သောသူဖြစ်သည်။
နဖူးပြောင်ပြောင် ဦးမောင်မောင် အရူးထောင်ကို ပို့လိုက်ကြဟု လူထု၏လှောင်ပြောင်ခံခဲ့ရသောသူသည် မြန်မာနိုင်ငံသမိုင်းတွင် ရက်အနည်းသာခံသည့် ခေါင်းဆောင်များထဲတွင် အပါအ၀င်ဖြစ်သည်။ ပြည်သူကိုလေပြေသွေးကာ တကသအဆောက်အဦးကြီး ကို ပျော်ပျော်ပါးပါး အုတ်မြစ်ချကြပါစို့လို့ပြောခဲ့သောသူသည် စစ်တပ်အာဏာသိမ်းအောင် လမ်းဖွင့်ပေးခဲ့သူဖြစ်ပြီး စစ်တပ်အာဏာသိမ်းမှုကို ဥပဒေကြောင်းအရ နောက်ကွယ်မှ အကြံပေးခဲ့သူဖြစ်သည်။ သူ့လက်ထက်တွင် မြန်မာနိုင်ငံကို အဆင်းရဲဆုံး နိုင်ငံအဖြစ်တွန်းပို့ခဲ့သော မဆလ တပါတီစနစ်သည် လူထု၏ တခဲနက်ဆန့်ကျင်မှုများကြောင့် ပြုတ်ကျခဲ့ရသည်။
ခေတ်သစ်မြန်မာနိုင်ငံတွင် တတိယအကြိမ်မြောက် စစ်တပ်အာဏာသိမ်းမှုကို ခေါင်းဆောင်ခဲ့သော သူသည် စက်တင်ဘာ ၁၈ ရက်နေ့တွင် တိုင်းပြည် ချောက်ထဲကျတော့မည်ဟုအကြောင်းပြကာ ဆန္ဒပြနေသော ပြည်သူလူထုကြီးနှင့် သပိတ်စခန်းများကို နိုင်ငံလုံးအနှံ့ ပစ်ခက်ကာ ဖြိုခွင်းခဲ့သူဖြစ်သည်။ ၁၉၉၀ ပြည့်နှစ် တွင်လွတ်လပ်ပြီး တရားမျှသော ပါတီစုံအထွေထွေရွေးကောက်ပွဲကျင်းပပေးခဲ့သော သူသည် အနိုင်ရသောပါတီကို အာဏာလွဲပေးကာ စစ်တန်းလျား ပြန်မည်ဟုပြောခဲ့သောသူဖြစ်သည်။ ရဟန်းသံဃာများ၏ စစ်တပ်ကိုသပိတ်မှောက်မှုကို နှိမ်နှင်းခဲ့သောသူသည် စိတ်ပုတီးတဖက် သေနက်တစ်ဖက်ကိုင်သည်အထိ ပြည်သူလူထုရှေ့တွင် စိတ်ဂယောင်ခြောက်ခြား ဖြစ်ခဲ့သည်။ အာဏာသိမ်းစစ်တပ် ကို ကိုယ်စားပြုသောအဖွဲ့ဖြစ်သည့် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (န၀တ) ကိုခေါင်းဆောင်သောသူသည် ၁/၉၀ ဟုခေါ်သော ရွေးကောက်ခံကိုယ်စားလှယ် များမှ နိုင်ငံတော်အခြေခံဥပဒေကိုရေးဆွဲရမည်ဟူသော အမိန့်ကိုထုတ်ပြန်ခဲ့သော်လည်း အကောင်အထည်ဖော် မသွားနိုင်ခဲ့ဘဲ စစ်တပ်တွင်းတန်ပြန်အာဏာသိမ်းခြင်းကိုခံခဲ့ရသည်။ သူ့လက်ထက်တွင် တိုင်းပြည် ချောက်ထဲသို့ တကယ်ရောက်သွားခဲ့သည်။
ဗိုလ်ချုပ်မှူးကြီးစောမောင် ကို ဖယ်ရှားကာ အာဏာယူလာသောသူသည် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ) ဟူသော အမည်မှ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ (နအဖ) သို့အမည် ပြောင်းပြီး အမိန့်အမှတ် ၁/၉၀ ဖြင့် ကတိပေးခဲ့သော ရွေးကောက်ခံ ကိုယ်စားလှယ်များမှ နိုင်ငံတော်အခြေခံဥပဒေကိုရေးဆွဲရမည်ဟူသော အချက်ကို မျက်ကွဲပြုချင်သူဖြစ်သည်။ အမည်ပြောင်းရုံနှင့် ကတိတစ်ခုကို ဖျက်ပစ်လိုက်ပြီဟုထင်နေသောသူသည် သူ့လက်ထက်တွင် စစ်တပ်လူတန်းစားတရပ် ပေါ်ပေါက်လာခဲ့ပြီး အရာရာကို အပေါ်စီးမှ ချုပ်ကိုင်လာခဲ့ကြသည်။ မြန်မာ့လွတ်လပ်ရေးသမိုင်း နှင့် အာဇာနည်များ၏ အခန်းကဏ္ဍ ကိုမှေးမှိန်အောင်လုပ်ချင်သောသူသည် နေပြည်တော်ဟု ခေါ်သော မြို့တော်သစ်ကိုတည်ဆောက်ခဲ့ပြီး ပဒေသရာဇ်ဘုရင်တပါးကဲ့သို့ ပြုမူချင်သူဖြစ်သည်။ သူ့လက်ထပ်တွင် သဘာဝဓါတ်ငွေ့နှင့် အခြားသယံဇာတများမှ စံချိန်တင် နိုင်ငံခြားဝင်ငွေရရှိခဲ့သော်လည်း မြန်မာနိုင်ငံမှ ဒုက်ခသည်များသည် အိမ်နီးချင်းနိုင်ငံများနှင့် ကမ္ဘာ့နိုင်ငံအသီးသီးသို စံချိန်တင်ထွက်ပြေးခဲ့ကြသည်။ စစ်တပ်အတွင်း သူနှင့်အတူ အာဏာသိမ်းရာတွင် ပါဝင်ခဲ့သောသူများအပါအ၀င် စစ်တပ်အတွင်း အစုလိုက်အပြုံလိုက် ရှင်းလင်းဖယ်ရှားခဲ့သော သူသည် ၂၀၀၇ ခုနှစ် စက်တင်ဘာတွင် မေတ္တာပို့ လမ်းလျှောက်သော ရဟန်းတော်များ နှင့် ပြည်သူများကို ကမ္ဘာတုန်အောင် နှိမ်နှင်းခဲ့သောသူဖြစ်သည်။ ဦးနေ၀င်း၏မိသားစု ကို အတုယူသော သူ၏မိသားစုသည် နိုင်ငံကျော် မင်္ဂလာဆောင်တစ်ခုကို ဆင်းရဲသော မြန်မာနိုင်ငံတွင် စိန်စီကာကျင်းခဲ့သည်။ သူလက်ထက်တွင် တိုင်းပြည်၏အရေးကြီးသော အခြေခံဥပဒေကို ပြည်သူလူထုရွေးကောက်ခံပုဂ္ဂိုလ်အများစု မပါဝင်ဘဲ ရေးဆွဲခဲ့ပြီး အငြင်းပွားဖွယ် အတည်ပြုခဲ့သူလည်းဖြစ်သည်။ သူ၏လက်ထက်တွင် မြန်မာနိုင်ငံသမိုင်းတွင် တခါမှမဖြစ်ဘူးသော အဆိုးရွားဆုံး၊ လူအသေအပျောက်အများဆုံး နာဂစ်မုန်တိုင်း ဖြစ်ခဲ့ပြီး ကမ္ဘာတွင် အငြင်းပွားမှုအများဆုံးသော ကယ်ဆယ်ရေးဆောင်ရွက်မှုလုပ်ငန်းအား ကုလသမဂ္ဂ၊ အာဆီယံ နှင့် အခြားနိုင်ငံတကာတို့ အကန့်အသတ် များနှင့်ဆောင်ရွက်နေကြရသည်။ သူသည် လက်ရှိမြန်မာနိုင်ငံကို အုပ်ချုပ်နေလျက်ရှိပြီး လူအသေအပျောက် အများဆုံးဖြစ်ခဲ့သည့် သဘာဝဘေးအန္တရာယ်ကို လှစ်လျူရှုကာ အတည်ပြုခဲ့သော အခြေခံဥပဒေအရ ၂၀၁၀ တွင် ပြုလုပ်မည့် ရွေးကောက်ပွဲကို စောင့်မျော်လျက်ရှိသည်။ ကြားတွင်သူဘာဖြစ်မည်ဆိုသည်ကိုတော့ စောင့်ကြည့် ရမည်ဖြစ်သည်။
