World AIDS Day 2010

"Nobody can do everything, but everyone can do something."

- World Aids Day Quotes by Author Unknown

ကျွန်တော် အစိုးရရုံးတွင်အလုပ်လုပ်စဉ် အခါက ကျွန်တော့် အထက်အရာရှိတစ်ဦးနှင့် ကျွန်တော်နှင့် ရာထူးတူ အငယ်တန်းဝန်ထမ်းတစ်ဦး နိုင်ငံခြားတိုင်းပြည်တစ်ခုသို့ ရက်တို Training တက်ရောက်ရန် ရွေးချယ်ခံရသည်။ မြန်မာပြည် ၀န်ထမ်းဘ၀တွင် နိုင်ငံခြားသို့ သွားရောက်ရသည့်အခွင့်အရေးသည် ထီပေါက်သည့်နည်းတူ ခက်ခဲလှပါသည်။ အငယ်တန်းဝန်ထမ်းများအတွက်ဆို ပိုမို၍ပင် ခက်ခဲပါသည်။ သွားခါနီး ရုံးလုပ်ထုံးလုပ်နည်းများ ကို လုပ်ကိုင်ပြီးနောက် ဆေးစစ်ရပါသည်။ ထိုအခါတွင် အငယ်တန်းဝန်ထမ်းတွင် HIV ပိုးကူးစက်နေကြောင်း တွေ့ရှိရသဖြင့် ထိုအငယ်တန်းဝန်ထမ်းကို နိုင်ငံခြားသို့စေလွှတ်ခြင်းမှ ရပ်ဆိုင်းကာ တခြားတစ်ယောက်နှင့် အစားထိုးစေလွှတ်လိုက်ပါသည်။ ထိုအချိန်က ထိုအငယ်တန်းဝန်ထမ်းမှာ HIV ကူးစက်နေသည်ဆိုသော်လည်း ရုပ်ပိုင်း စိတ်ပိုင်းအခြေအနေမှာ သာမန်လူတစ်ဦး ကဲ့သို့ပင်အခြေအနေရှိပါသည်။

ထိုဝန်ထမ်းငယ်မှာ နိုင်ငံခြားသို့ စေလွှတ်ခြင်း မှရုပ်သိမ်းခြင်းခံရရုံမက နောက်ပိုင်းတွင် ရာထူးတိုးစာမေးပွဲများတွင်လည်း ဖြေဆိုခွင့်ကိုကန့်သတ်ခံရပါသည်။ ရုံးအတွင်းရှိ အခြား ၀န်ထမ်းများကလဲ ကြောက်စရာ လူတဦးကဲ့သို့ ရှောင်ဖယ်ဖယ်နှင့် ဆက်ဆံခြင်း ကိုပါခံရသည်။ နောက်ပိုင်းတွင် အစစ ဖိအားများ များပြားလာသည့် အခါ အလုပ်မှနုတ်ထွက်သွားခဲ့ပါသည်။ နောက်ပိုင်းမည်သို့ ဖြစ်ပျက်သွားသည်ကို မသိရတော့ပေ။

အလားတူ အဖြစ်အပျက်မျိုးများ မြန်မာနိုင်ငံ အစိုးရဌာနများတွင် အများအပြားပင်ရှိသည်။ HIV ကူးစက်နေသဖြင့် ၀န်ထမ်းရွေးချယ်လေ့ကျင့်ရေးမှ ကျင်းပသော ဦးစီးအရာရှိအဆင့် စာမေးပွဲများမှ ငြင်းပယ်ခံရခြင်း၊ နိုင်ငံခြားသံရုံး များတွင် တာဝန်ထမ်းဆောင်မှုများမှငြင်းပယ်ခံရခြင်း၊ ရာထူးတိုးရာတွင် ထည့်သွင်းမစဉ်းစားခြင်း၊ တခြားအရေးမပါသော နေရာများတွင် ချောင်ထိုးခြင်းများကို အစိုးရဌာနများတွင် HIV ကူးစက်နေသော ဝေဒနာရှင် ၀န်ထမ်းများ ခံစားနေကြရပါသည်။

ထိုအဖြစ်အပျက်များဖြစ်ပွားပြီးနောက် တစ်လအကြာတွင် ကျွန်တော်တို့ရုံးသို့ အသက် ၃၀ ကျော်အရွယ် တပ်မတော်မှ ဗိုလိကြီးအဆင့်တစ်ဦး လက်ထောက်ညွှန်ကြားရေးမှူး တာဝန်ဖြင့် ပြောင်းရွှေ့လာပါသည်။ ထိုသန်သန်မာမာ ဗိုလ်ကြီးသည် မည်သည့် အကြောင်းပြချက်ဖြင့် တပ်မတော်မှပြောင်းရွှေ့လာသည်ကို ချက်ခြင်းမသိရသေးပါ။ နောက်ပိုင်းခင်မင်လာကြသောအခါ ကျွန်နောက လည်းကောင်း ဗိုလ်ကြီးကို ဘာလို့ အရက်ဘက်ကိုပြောင်းလာရသလဲမေးမြန်းသောအခါ ထိုဗိုလ်ကြီးမှ ရွှေပိုးလေဗျာ ရွှေပိုးဟု ပြောပါသည်။ ကျွန်တောလဲ ဘာမှန်းမသိ၍ ဘာရွှေပိုးလဲ ဟုမေးရာ အသည်းရောင် အသားဝါ ဘီပိုး ရှိလို့ တပ်မတော်မှ အရပ်ဘက်သို့ ပြောင်းရွှေ့လိုက်ကြောင်းပြောပြပါသည်။ ထိုသို့ အသည်းရောင် အသားဝါ ရောဂါပိုးရှိသော စစ်ဘက်ဝန်ထမ်းများကို အရပ်ဘက်သို့ပြောင်းရွှေ့နေသည်မှာ ကြာမြင့်နေပါပြီ။ သူတို့ တပ်မတော် အရာရှိလောကတွင် ရွှေပိုးဟုတင်စားကာ စစ်တပ်တွင် မနေခြင်သူများက ဂွင်ကောင်းသော အရပ်ဘက်ဌာနများသို့ ပြောင်းရွှေ့ကြပါသည်။ နိုင်ငံခြားတိုင်းပြည်များသို့ပါ သံတမန်အရာရှိ များအနေနှင့် သွားရောက်တာဝန်ထမ်းဆောင်ခြင်းမျိုးပင်ရှိပါသည်။

အသည်းအသားဝါ ဘီပိုး နှင့် HIV /AIDS ရောဂါများသည် ကူးစက်ရောဂါများဖြစ်သော်လည်း ကူးစက်ပုံခြင်းမတူညီပါ။ HIV /AIDS ရောဂါသည် ကူးစက်နည်း အဓိက နည်းလမ်း သုံးခုမှာ

- အကာအကွယ်မဲ့ လိင်ဆက်ဆံတာ (စအို၊ ပါးစပ်၊ လိင်အင်္ဂါ စတဲ့ နည်း အားလုံး)
- သွေးကနေ တစ်ဆင့် ( သွေးပေနေတဲ့ ချွန်ထက်တဲ့ ပစ္စည်းတွေကို မျှသုံး ပေါင်းသုံး ရောသုံး ရာကနေလဲ ကူးနိုင်တယ် .. ဥပမာ - ဆေးထိုးအပ် မျှသုံးတာ)
- ကိုယ်ဝန်ဆောင် မိခင် ၊ နို့တိုက်မိခင်ကနေ ကလေးကို ကူးစက်တာ မျိုးဖြစ်ပြီး HIV /AIDS ရောဂါသည်

အပေါ်ယံ ဆက်ဆံရုံဖြင့် ကူးစက်နိုင်ခြင်းမရှိပါ။

အသည်းရောင်အသားဝါ ဘီပိုးသည် ချွေးမှတဆင့် သရေမှတဆင့် တခြား ကိုယ်ခံအားနည်းနေသူ မည်သူမဆို အလွယ်တကူ ကူးစက်နိုင်ပါသည်။ လိင်ဆက်ဆံရာမှလည်းကူးစက်နိုင်ပါသည်။ အပေါ်ယံထိတွေ့ဆက်ဆံရုံမျှဖြင့်ကူးစက်နိုင်ပါသည်။

ဆိုလိုသည်မှာ ထို ရောဂါနှစ်မျိုး ခံစားနေရသူများသည် လူသားများဖြစ်သည်။ တဖက်ကိုတော့ လက်လွတ်စပယ် ပစ်ပယ်ကြပြီး တဖက်ကိုတော့ သက်သာရာသက်သာကြောင်း ပြုလုပ်ပေးသည်မှာ တရားခြင်းမရှိပေ။ HIV ရောဂါကူးစက်ခံရသူများသည် ထိုရောဂါရရှိကြောင်း သိရှိကြသည်နှင့် စိတ်ပိုင်းဆိုင်ရာ အကြီးအကျယ်ထိခိုက်သွားကြပါသည်။ ထိုသူများကို လူ့အသိုင်းအ၀ိုင်းထဲတွင် ထားကာ အရာရာ ၀ိုင်းဝန်းဖေးမကြမှသာ ထိုသူသည် AIDS အဆင့်သို့ လျင်မြန်စွာကူးစက်ပြောင်းလဲခြင်းမျိုး မဖြစ်ဘဲ အသက်ရှည်စွာနေထိုင်နိုင်မည်ဖြစ်ပါသည်။

၂၀၁၀ ခုနှစ်ရဲ့ ဆောင်ပုဒ် ကတော့ Universal Access and Human Rights “အားလုံး လက်လမ်းမီရေး နဲ့ လူ့အခွင့်အရေး” ဆိုတာ ဖြစ်ပါတယ်။

ကိုးကားချက်- http://health.ngoinmyanmar.org/