မြို့ပြ

မင်းမို့လို့ ပြောရက်တယ်ကွာ
ဒီလောက်မီးလင်းနေမှတော့
ရန်ကုန် ဖြစ်နိုင်ပါ့မလားကွ။

သူ့သဘောထား

အခုဟာက လူထုကနေ ရွေးချယ်သမျှ ကိုယ်စားလှယ်အားလုံး တနည်းအားဖြင့် တိုင်းရင်းသားတွေ၊ လူထုတွေ သန်း (၅၀) စလုံးက ပြင်ချင်ပါတယ်ဆိုရင်တောင်မှ စစ် ခေါင်းဆောင်က သဘောတူမှ ပြင်လို့ရမယ် ဆိုတဲ့ အခြေအနေကို ကျနော်တို့က ဒါကိုမှ သတိမပြုဘူး ဂရုမစိုက်ဘူးဆိုရင်၊ နောင်အ ခါလာ နောင်အခါဈေးဆိုရင် တဘက်က တပ်မတော်ရဲ့အခြေခံမူတွေထဲမှာ ဖွဲ့စည်းပုံ အခြေခံဥပဒေကို အသက်နဲ့လဲပြီး ကာကွယ် စောင့်ရှောက်မယ်လို့ သူက ပြောထားတယ်။ အဲဒီတော့ နောင်တချိန် ပြင်ချင်ရင် ကျနော် တို့ နောင်လာနောက်သားတွေကလည်း အသက်နဲ့လဲပြီးတော့ ပြင်ကြဆိုပြီးတော့ ကျနော်တို့ ကလေးတွေကို ဒီလိုမျိုး သေကြေ ဒဏ်ရာရမယ့်၊ လမ်းပေါ်မှာ သေကြေရမယ့် အခြေအနေမျိုးကို ကျနော်တို့ ခွင့်မပြုနိုင်ပါ ဘူး။ နောင်အခါလာ နောင်အခါဈေး လုပ်လို့ မရတဲ့ အချိန်ဆိုတာကို ကျနော် သတိပေး ချင်တာပါ။

ကျောင်းသားခေါင်းဆောင် ကိုကိုကြီး

၈၈ မျိုးဆက်ကျောင်းသားခေါင်းဆောင် ကိုကိုကြီး အတွက် မွေးနေ့ဆုတောင်း

၈၈ ကျောင်းသားခေါင်းဆောင် ကိုကိုကြီးနှင့်တကွ ကိုယ့်ယုံကြည်ချက်အတွက် မတရားဖမ်းဆီး ခံထားရသူများ လွတ်မြောက်ပြီး လည်းကောင်းတို့ဖန်တီးတည်ဆောက်ခြင်သော လူ့အခွင့်အရေး ဒီမိုကရေစီနှင့် ဖွံ့ဖြိုးတိုးတက်သော မြန်မာနိုင်ငံကို ရဟန်း၊ ကျောင်းသား၊ အလုပ်သမား၊ လယ်သမား၊ တပ်မတော်သားများ နှင့် ပြည်သူအပေါင်း စုပေါင်း၍ အမြန်ဆုံး ဖန်တီးတည်ဆောက် နိုင်ကာ ကမ္ဘာ့အလည်တွင် မြန်မာဟု သိက္ခာရှိရှိရပ်တည်နိုင်သော နိုင်ငံတစ်ခုသို့ ရောက်ရှိနိုင်ပါစေ။

တိုက်ပွဲပျော်ကြီးဆုံးသွားပြီ

ဒီဇင်ဘာ ၁၅ ရက်နေ့ညက သူရဲ့ငုတ်တုတ်ထင်ရှားရေးဖော်များစာအုပ်ကို ဖတ်နေခဲ့သေးတယ်။ ဓန၊ မြန်မာ့ဓန မဂ္ဂဇင်းတွေထဲက ဆရာကြီးအီကြာကွေးရေးတဲ့ သရော်စာတွေကို သတိရမိတယ်။ အသက်တထောင် ဂုလုကွေး ကောင်းရာသုဂတိရောက်ပါစေ.... သူ့ဆွမ်းကျွေးအလှူရေစက်ချရင် ကောင်းလှောင့်တေး ကောင်းလှောင့်တေး ဆိုပြီး သုံးခါရွတ်ရမယ်..အီကွေးလျာ၊ ဒကာဆိတ်၊ ဆိုက်ကားသမား စာကလေး တို့ကို သတိရလျက်

တိုက်ပွဲပျော်။

ပုခက်ထဲက အူဝဲဟစ်ကာ
စစ်ကြေငြာပြီး လောကကြီး၏
ခါးသီးတွေ့ကြုံ အလုံးစုံကို
မဖြုံအံခဲ ပွဲဆက်နွှဲရင်း
လူလဲတော်တော် ကြီးခဲ့ပေါ့။

မိုက်လဲမိုက်လို့ တိုက်လဲတိုက်ခဲ့
ရှုံးလိုက်တာလဲ အသင်္ချေ။

ရဲလဲရဲလို့ နွှဲလည်း နွှဲခဲ့
နိုင်ပွဲတွေလဲ အနန္ဒ။

ဒီလိုပဲပေါ့
တိုက်ပွဲဆိုတာ သာချင်သာမယ်၊
တိုက်ပွဲဆိုတာ နာချင်နာမယ်၊
ဘယ်မှာ ခန့်မှန်းသိနိုင်မလဲ။

နာနာသာသာ ဘာမှမဖြုံ
စိတ်လုံခြုံရင်
မတုန်မလန့်ဖျပ်ပါဘူး။
အဟုန်မတန့်ရပ်ပါဘူး။

ရှေ့ကဆီး၍
လမ်းခရီးထဲ သစ်ပင်လှဲမလား။
ရှေ့ကကန့်၍
အဟန့်အတား ဆူးတွေထားမလား။

ယောက်ျားဟေ့နော်
တိုက်ပွဲပျော်
ကျွန်တော်တိုက်ရင်း တက်မှာပဲ။

ကျော်ထွန်း(ဓနုဖြူ) (ခ) အီကြာကွေး။

ထွက်ခဲ့စမ်းပါ ရဲရဲ

မင်းတို့ဘက်မှာ
မင်းသုဝဏ်မရှိခဲ့ဘူး
လူထုဒေါ်အမာမရှိခဲ့ဘူး
ဒေါက်တာသန်းထွန်းမရှိခဲ့ဘူး
တင်မိုးမရှိခဲ့ဘူး

မင်းတို့ဘက်မှာ
ဘိုနိုမရှိဘူး
ရမ်ဘိုမရှိဘူး
ဂျူလီယာရောဘတ်မရှိဘူး
ဂျင်းကားရေးမရှိဘူး

ဖိနှိပ်မှုနဲ့ လက်နက်သာအမှန်တရားထင်ရင်
ငါတို့တိုင်းပြည် ဓားမနောက်ပိတ်ခွေးဘဲဖြစ်နေမှာ
ဟိုမှာ အလင်းရောင် တွေ့လား
လာခဲ့စမ်းပါ ရဲရဲ
ထွက်ခဲ့စမ်းပါ ရဲရဲ

မင်းတို့ဘက်မှာ
လူထုစိန်ဝင်းမရှိဘူး
မာမာအေးမရှိဘူး
ဇာဂနာမရှိဘူး
ကျော်သူမရှိဘူး

မင်းတို့ဘက်မှာ
ဒက်(စ)မွန်တူးတူးမရှိဘူး
ဒလိုင်းလားမားမရှိဘူး
ဂျိုဒီဝီလျှံ မရှိဘူး
မင်ဒဲလားမရှိဘူး

ငါတယောက်အတွက်နဲ့ အများဒုက္ခဆင်းရဲထဲရောက်နေရင်
ငါတို့တိုင်းပြည် ဓားမနောက်ပိတ်ခွေးဘဲဖြစ်နေမှာ
ဟိုမှာ ကိုယ်ကျိုးစွန့်သူတွေ တွေ့လား
လာခဲ့စမ်းပါ ရဲရဲ
ထွက်ခဲ့စမ်းပါ ရဲရဲ

......

ငါ့ကို ခြေခိုင်မခိုင် ပြိုင်မြင်းတစ်ကောင်လို မစမ်းသတ်ပါနဲ့
ရိုးသားမှုကို သောက်လိုက်ရတဲ့ ပီတိထက် ဘာမှမမက်မောခဲ့ပါဘူး

ဖော်ဝေး

ကိုယ့်အကြောင်း

ပျင်းလို့ ကိုယ့်အကြောင်းကိုယ်ရေးတယ်

နာမည်ရင်းကမျိုးဇော်....၁၉၈၈ မတိုင်ခင်က ဗဟန်းမှာနေတယ်.. စစ်အစိုးရတက်လာတော့ ကျူးကျော်ရပ်ကွက်ဆိုပြီး အိမ်ဖျက်ခံရတယ် မှော်ဘီ အုတ်ဖိုဘက်က ကွက်သစ်ကို အပို့ခံရတယ် မြေကြီးပေါ် ပစ္စည်းတွေဒီအတိုင်းပုံချထားပြီး တာလပတ်အိမ် အဖြစ်ဆောက်ကာ နှစ်လနီးပါး မိုးထဲနေထဲ နေခဲ့ရတယ် (နာဂစ်မုန်တိုင်းကြောင့်မဟုတ်ဘူး စစ်မုန်တိုင်းကြောင့်) ကံကောင်းခြင်တော့ ပိုက်ဆံရှိတဲ့ အမေ့အမ ကြီးတော်ကြီးက ဗဟန်းဂျမားရက်ကွက် မှာ အိမ်ပြန်ငှားပေးတယ် ယခုကျောက်မြောင်းမှာနေတယ် တခါတလေ ထိုင်းနိုင်ငံ၊ ဗန်ကောက်မှာနေတယ်။ မျိုးဝင်းဇော်ဆိုတဲ့ အလယ်က၀င်းက တူသားတွေကို သူ့သားသမီးအရင်း တွေလို ချစ်တဲ့ ကြီးဒေါ်ကြီးနာမည်ကိုယူထားတာ။ အရက်ပြင်းတွေထက် ဘီယာကို ပိုကြိုက်တယ်။ အရင်က ဟန်ဆောင်တတ်တယ် အားနာတတ်တယ်။ အခုအားနာတဲ့စိတ်မရှိတော့ဘူး ဟန်ဆောင်တာလည်း မုန်းလာတယ်။

သူငယ်ချင်းအပေါင်းအသင်းတွေကို ဆွေမျိုးတွေထက်ပိုခင်တွယ်တယ်။ ဒါပေမယ့် တယောက်ထဲနေရတာ ပိုနှစ်သက်တယ်။ ဘာတစ်ခုခုမှစွဲစွဲမြဲမြဲ လုပ်တတ်တဲ့အကျင့်မရှိဘူး။ အခုထက်ထိ ကိုယ်ကိုကိုယ် ဘာမှန်းမသိဘူး လွတ်လွတ်လပ်လပ်နေတဲ့အကျင့်ရှိတယ်။ ချုပ်ချယ်တာမကြိုက်ဘူး။ ၁၉၉၂ ခုနှစ်မှာ ဆယ်တန်းအောင်တယ် စာသင်ခန်းထဲစာသင် နေတာကိုမုန်းလာလို့ ဒုတိယနှစ်နဲ့ အဝေးသင်တက္ကသိုလ် ပြောင်းလိုက်တယ်။ (အမှန်က ပိုက်ဆံမရှိလို့ပါ) ၁၉၉၅ခုနှစ် ကနေ ၂၀၀၅ခုနှစ်အထိ ရုံးအကူအဖြစ် ပို့ဆောင်ရေးဝန်ကြီးဌာနမှာလုပ်တယ်။ ဌာနက ဌာနမှူးကိုမကြိုက်လို့ အစိုးရ အလုပ်ကနေ ဌာနခွဲစာရေးရာထူးဖြစ်တော့ ထွက်လိုက်တယ်။ သူကလဲ ကိုယ့်ကိုမကြိုက်ပါဘူး။ (ပြန်ခံပြောလို့၊ စာရေးအဆင့်ကပြန်ခံပြောတော့ သူအောက်တယ်လို့ ထင်နေတယ်။ သူကိုယ်တိုင်က အသုံးမကျပါဘူး တရုံးလုံးသိတယ်။ ကိုယ်ကိုတိုင်ကလည်း ဘာစည်းကမ်းမှ မရိုသေတဲ့ကောင်ဆိုတော့) လုပ်သက် ၁၀ နှစ်ရတာလွဲရင် ပညာလည်းမရဘူး ပိုက်ဆံလည်းမရဘူး။ အချိန်တွေဘဲနှမြောတယ်။ ကိုယ့်ဟာကိုယ်ဆို လဘက်ရည်ဆိုင်ထိုင်လိုက် ဖဲရိုက်လိုက် ဘီယာသောက်လိုက် စာအုပ်ဖတ်လိုက်နဲ့ ဆယ်နှစ်လောက်နေခဲ့ရရင် ပိုကောင်းမှာဘဲလို့ ထင်မိတယ်။ စာအုပ်ဖတ်တာနဲ့ ငြင်းခုံဆွေးနွေးရတာကိုအရမ်းသဘောကျတယ်။

အိမ်ထောင်မရှိလို့ လူပျိုလို့ပြောရင်တော့ လူပျိုကြီးပေါ့။ ရည်စားနှစ်ယောက်ရှိဘူးတယ်။ အမှန်က တယောက်တည်းထားမလို့ပါ။ ပထမတစ်ယောက်ရဲ့ မိဘတွေကကြီးကျယ်တယ်။ ရုံးစာရေး ငကြောင် တက်လမ်းဘာမှမရှိဘူးလို့ထင်တယ် ပေါ့ပေါ့နေပေါ့ပေါ့စားနဲ့ သူ့တို့အိမ်တက်လာမှာ ကြောက်တယ်ထင်တယ် သူ့သမီးကိုနားချတော့ နှစ်ယောက်သား ဆက်ဆံရေးတွေ အေးခဲပြီး နောက်ပြီးသွားတယ် သူကံကောင်းပါတယ်။ ခုတစ်ယောက်က လက်ထပ်ဖို့အတူနေဖို့မပြောဘူး လက်ထပ်လိုက်ရင် သူ့အတွက် ၀န်ထုတ်ဝန်ပိုးတွေပိုလာ မှာကြောက်တယ် ထင်တယ်။ ပထမတစ်ယောက် ကံကောင်းတယ်ဆိုရင် ဒုတိယတစ်ယောက်က ကံဆိုးတာပေါ့။

အ၀တ်အစားကတော့ ဂျင်းဘောင်းဘီနဲ့ တီရှပ်အဖြူဗြောင်တွေကြိုက်တယ်။ သပ်သပ်ရပ်ရပ်နေဖို့ ကြိုးစားတာ နှစ် နှစ်ဆယ်လောက်ရှိပြီ အခုအထိ ရှုပ်ပွနေတုံးဘဲ။ အဖေက ဖြစ်ထွန်းမဲ့ကောင်လို့မမြင်ဘူး။ သူများတွေနဲ့ နှိုင်းပြောလွန်းလို့ အိမ်မှာမနေဘူး။ ကိုယ်ကိုတိုင်လည်းဖြစ်ထွန်းမယ်လို့ မထင်ပါဘူး။ နေထိုင်လာခဲ့တဲ့ တလျှောက်လုံး သူလိုငါလိုဘဲကိုး။ ထူးချွန်တာဆိုလို့ ဇဲတောက်ခုံတောက်တာလောက်ရှိတယ်။ ရည်မှန်းချက် ကတော့ ခြံအကျယ်ကြီးထဲမှာ ပန်းအလှစိုက်တဲ့သက်မွေးဝမ်းကြောင်းမှုမျိုးကိုလုပ်ခြင်တယ်။ အဲဒိအကြောင်းကို ပြီးဆုံးသွားတဲ့ ပထမချစ်သူကိုပြောပြတော့ ငယ်ငယ်ရွယ်ရွယ်တုံးက သူအရမ်းသဘောကျတယ် လက်ထပ်ပြီးရင် အမေ့ကိုပြောမယ် ခြံဝယ်မယ် စိုက်ကြမယ်ပေါ့ နည်းနည်းကြီးလာတော့ သူမေ့သွားတယ်ထင်တယ်။ ကျွန်တော်ကတော့ ခုထိစိတ်ကူးယဉ်တုန်း။ ဒုတိယချစ်သူနဲ့တော့ ရည်မှန်းချက်တွေ ရည်ရွယ်ချက်တွေ သိပ်မပြောဖြစ်ဘူး။ သူကလည်း ကိုယ့်ကို အဲဒါရှိမှာမဟုတ်ဘူးလို့ ထင်နေတယ်။ အဲဒါကြောင့်မမေးတာနေမှာပါ။

့နိုင်ငံရေးအကြောင်းပြောရရင် စစ်အစိုးရကိုမကြိုက်ဘူး။ ဖြစ်နိုင်ရင်စစ်တပ်တစ်ခုလုံး မြေမြိုသွားတာ မြင်ခြင်တယ်။ စိတ်ပျက်လွန်းလို့... ဘ၀မှာလူဖြစ်လာကတည်းက ဒီစစ်တပ်ကကောင်တွေအုပ်ချုပ်တာ ခံနေရတော့ စစ်တပ်ကကောင်တွေ တစ်ယောက်မှမပါတဲ့ အုပ်ချုပ်ရေးစနစ်ပြောင်းလဲမှုမျိုးကို မြင်ခြင်မိတယ်။ ၈၈ အရေးအခင်းတုန်းက ဗဟန်း အထက (၁)မှာ ဖွင့်တဲ့ စစ်သင်တန်းမှာ အပေါက်စောင့်ဘူးတယ်။ (အသက်ငယ်လို့ လို့တော့ပြောတာဘဲ) နောက် မောင်ထော်လေးလမ်း မှာ ဖွင့်ထားတဲ့ အခြေခံပညာကျောင်းသားသမဂ္ဂမှာ ရန်ကုန်တိုင်းအခြေခံပညာကျောင်းပေါင်းစုံအစည်းအဝေး လုပ်တော့ တကြိမ်ရောက်ဘူးတယ်။ (ကိုအောင်ခင်မြင့် (ပျူနိုင်ငံဘလော့)တို့ကပိုသိမှာပါ)။ နောက်ပိုင်း နိုင်ငံရေးလဲ မလုပ်ဖြစ်ပါဘူး။ ၂၀၀ရ ခုနှစ်ကျတော့ သံဃာတော်တွေ စီတန်းလမ်းလျှောက်တာလျှောက်လိုက်တယ်။ စစ်တပ် ကို ဆန့်ကျင်နေရရင်ပျော်တယ်။ ထောင်ကျမှာလည်းကြောက်တယ်။ အလေးစားဆုံး နိုင်ငံရေးထဲက ပုဂ္ဂိုလ် ဆိုရင် ၈၈ ထဲက ကိုကိုကြီးဘဲ သူ့အယူအဆတွေကြိုက်တယ်။

နောင်လုပ်ဖြစ်မယ်ထင်တာကတော့ အရင်အတိုင်း လဘက်ရည်ဆိုင်ထိုင်မယ် ဖဲရိုက်မယ် ညနေဘီယာသောက်မယ် ချစ်သူရုံးဆင်းသွားကြိုမယ် စာအုပ်ဖတ်မယ် စနေ တနင်္ဂနွေ ချစ်သူချိန်းရင်သွားမယ် သူမချိန်းရင်မသိသလိုဘဲနေလိုက်မယ်။ အလုပ်ခြင်ဆုံးကစစ်အစိုးရ ကိုဆန့်ကျင်တဲ့ ဖြုတ်ချမယ့်သူတွေဆို မည်သူကို မဆို အားပေးသွားမယ်။

အငြင်းအခုံ

တစ်ခါပြန်ဖြစ်နိုင်ခဲ့ရင်
ရေလိုက်ငါးလိုက်ဘဲနေခြင်မိတယ်.......

မိုးခါးတွေရွာတုန်း
ရေမငတ်ခဲ့မိတဲ့အမှား

ငါထင်တဲ့ ခရမ်းရောင်ဖျော့ဖျော့ နေ၀င်ချိန်

မင်းထင်တဲ့ အနီရင့်ရင့်နေ၀င်ချိန်

ဒီနေ၀င်ချိန်အတွက်

တို့နှစ်ယောက် အတူထိုင်နေပေမဲ့
ကမ္ဘာတစ်ခုစာ နှလုံးသားတွေ ဝေးအောင်ကို
ရန်ဖြစ်ခဲ့ကြတယ်နော်.............

ဝန်ကြီးချုပ်ဦးနုရဲ့ ပြည်တော်သာစီမံကိန်း နှင့် copycat နအဖ ရဲ့ ဖွံ့ဖြိုးရေးလုပ်ငန်းများ

ဦးနုလက်ထပ်က တိုင်းပြည်ဖွံ့ဖြိုးတိုးတက်ရေးအတွက် အမေရိကန်အကူအညီနဲ့ ရေးဆွဲထားတဲ့နာမည်ကျော် ပြည်တော်သာစီမံကိန်းကို သိကြမှာပါ။ မိသားစုတစ်ခု တိုက်တစ်လုံးကားတစ်စီး ဆိုပြီးကြွေးကြော်ခဲ့ပါတယ်။ အဲဒီစီမံကိန်းဟာ ဆန်စပါးနဲ့စိုက်ပျိုးရေးပို့ကုန်ကို အခြေခံပြီး နိုင်ငံတော်ရဲ့ အခြေခံအဆောက်အဦး တစ်ခုလုံးကို မြှင့်တင်ကာ တိုင်းပြည်ဖွံ့ဖြိုးရေးလုပ်ဆောင်ဖို့ ရေရှည်စီမံကိန်းတစ်ခုပါ။ ထိုစီမံကိန်းထဲမှာ ပေါင်းလောင်းရေအားလျှပ်စစ်စီမံကိန်း၊ မူးမြစ်ဝှမ်းစီမံကိန်း၊ ရဲရွာရေအားလျှပ်စစ်စီမံကိန်း၊ ရန်ကုန်မန္တလေး အမြန်လမ်းမစီမံကိန်း၊ပညာရေးနဲ့ ကျန်းမာရေး စီမံကိန်းများ နှင့်အခြားသော တိုင်းပြည်ရေရှည် ဖွံ့ဖြိုးတိုးတက်ရေး စီမံကိန်းတွေပါဝင်ပါတယ် ရန်ကင်း နဲ့ ဖဆပလက အိမ်ယာစီမံကိန်းတွေ မကွေးက ပြည်တော်သာတိုက်ခန်းတွေ၊ ရန်ကုန် လှိုင်ကောလိပ်စတာတွေဟာ စီမံကိန်းရဲ့ အစိတ်အပိုင်းတွေပါ။ ဒါပေမယ့် ဒီစီမံကိန်းတွေဟာ နိုင်ငံတကာမှာ ဆန်စပါးဈေး ကျလာတာနဲ့ ထင်သလောက်မဖြစ်ခဲ့ပါဘူး ပိုပြီးဆိုးသွားတာ ဦးနေ၀င်း စစ်အာဏာသိမ်းပြီးနောက်ပိုင်း ဒီစီမံကိန်းတွေကိုဆက်လက် အကောင်အထည် မဖော်ခဲ့တော့တာဘဲ.. ကမ္ဘာ့ဆန်အတင်ပို့ဆုံးနိုင်ငံဘ၀ကနေတောင် လျောကျသွားတဲ့ အထိဖြစ်ခဲ့တယ်။ နောက်ပိုင်းမဆလခေတ်မှာ ပြည်တော်သာစီမံကိန်း တွေဟာ လှောင်ပြောင်ခံရတဲ့အဆင့် အထိရောက်ရှိ သွားပါတယ်။

နအဖလက်ထပ် ရောက်တဲ့အခါ တိုင်းပြည်ဖွံ့ဖြိုးတိုးတက်ရေးကို သူတို့လက်ထက် မှာဖြစ်ရအောင် (မဆလခေတ်မှာ လုပ်ခဲ့တဲ့ မအောင်မြင်တဲ့ စီမံကိန်းတွေကိုဖုံးကွယ်ဖို့) အမှန်က မဆလစစ်တပ်ကအုပ်ချုပ်သူအခြင်းခြင်းသိက်ခါဆည်ဖို့ စဉ်းစားတဲ့အခါ ပြည်တော်သာစီမံကိန်းကို ပုံတူးကူးဖို့ ဖြစ်လာတာထင်ပါတယ်။ ဘယ်သကောင့်သားက အကြံပေး လိုက်တယ်မသိ ပြည်တော်သားစီမံကိန်းတစ်ခုလုံးကို ပုံတူးကူးချတော့တာဘဲ.. နအဖရဲ့ စီးပွားရေးဦးတည်ချက် လေးရပ် မှာ စိုက်ပျိုးရေးကိုအခြေခံ၍ အခြားစီးပွားရေးကဏ္ဍများ တိုးတက်စေရေးဆိုတာ ပြည်တော်သာ စီမံကိန်းရဲ့ Main Objective ပါ နအဖရဲ့ လက်ထွက်မဟုတ်ပါ.. အဲလိုဥာဏ်မရှိတဲ့ စစ်ဗိုလ်တွေအုပ်စိုးခံရတဲ့ ပညာတတ်တွေကို လူရာမသွင်းတဲ့ မဆလ၊ န၀တ၊ နအဖ စစ်အစိုးရအဆက်အဆက်မှာ တိုင်းပြည်ဖွံ့ဖြိုးရေး အတွက် ဘာမှခေါင်းထဲမှာမရှိတာ ထင်ရှားပါတယ် သူများတွေလုပ်ထားတာ ပုံတူးကူးဖို့ ခိုးယူဖို့ဘဲ တတ်ပါတယ်.. နောက်စစ်အစိုးရပိုင်မီဒီယာတွေမှာဖော်ပြနေတဲ့ ဗိုလ်ချုပ်မှူးကြီးရဲ့ လမ်းညွှန်ချက် တို့ အမျှော်အမြင် ကြီးမှုတို့ဟာ ပါလီမန်ဒီမိုကရေစီခေတ် က စီမံကိန်းကြီးကို လိမ်လည်လှည့်ဖျားကာ သူတို့လုပ်သယောင် ထင်ယောင်ထင်မှား ပြောကြားချက်တွေပါ..

စစ်တပ်တွေလက်ထပ် တိုင်းပြည်ရဲ့ နိုင်ငံရေး လူမှုရေး စီးပွားရေးအကျပ်အတည်းကို ဖြေရှင်းတဲ့နေရာမှာ စေ့စပ်ညှိနှိုင်းမှုမရှိ ရေရှည်ကိုမမျှော်ကိုး ဒမြသာသာ လက်နက်အင်အားသုံးဖြေရှင်းဖို့သာ လုပ်ဆောင်တတ်ပါတယ် အသေးအမွှားပြဿနာ လောက်သာဖြစ်တဲ့ ကျူးကျော်ရပ်ကွက်တွေ ပြောင်းရွှေ့ ရေးမှာတောင် လူတွေကို ရန်သူသဖွယ် အိမ်တွေအတင်းဖျက် အတင်းကားပေါ်တင်ပြီး ကွင်းခေါင်ခေါင် တွေမှာ ပစ်ထားတဲ့နည်းနဲ့ ဖြေရှင်းပါတယ်။ အိမ်စောင့်စစ်အစိုးရ လက်ထပ် ရန်ကုန်မြို့တွင်းက ကျူးကျော်ရပ်ကွက် တွေကို သာကေတ၊ တောင်ဥက္ကလာ၊ မြောက်ဥ က္ကလာ စတဲ့ လယ်ကွင်းထဲ အဖြစ်ဖောက်ထားတဲ့ လမ်းသာရှိတဲ့ နေရာမှာ မြောင်းမရှိ အရိမ်မရှိ သောက်သုံးရေမရှိ ပစ်ထားခဲ့ပါတယ်။ ထိုနည်းတူ န၀တ နအဖ လက်ထပ် မှာလည်း အုတ်ဖို၊ လှိုင်သာယာ၊ ဒဂုံမြို့သစ် တောင် မြောက် စသည်တို့မှာ လူတွေကို ပစ်ထားပါတယ်။ ပါလီမန်ဒီမိုကရေစီလက်ထပ်မှာ ဖဆပလကျူးကျော်ရပ်ကွက်ကို အိမ်ယာစီမံကိန်း တစ်ခု အဖြစ် တည်ဖောက်ပြီး ရပ်ကွက်တွင်းနေထိုင်သူတွေကို တဲပေါ်ကနေ တိုက်ပေါ်ကို စနစ်တကျတင်ပေးခဲ့ပါတယ်။ ၄င်း ဖဆပလ ရပ်ကွက်မှာ ၁၉၆၂ ခုနှစ် အာဏာသိမ်းတဲ့အချိန်အထိ အပြီးမသတ်သေးဘဲ မဆလခေတ် ရောက်တဲ့အခါ ၁၉၇၄ အခြေခံဥပဒေကို တရပ်ကွက်လုံးထောက်ခံမှာသာ စီမံကိန်းကို ဆက်လက် ဆောင်ရွက်မှာဖြစ်ပြီး မထောက်ခံပါက ကျန်ရှိတဲ့ ကျူးကျော်တွေကို ပြောင်းရွှေ့မယ် ဆိုပြီး ခြိမ်းခြောက်ခဲ့ပါတယ်.. ထိုအချိန်က မဆလအခြေခံဥပဒေကို ထောက်ခံသော်ငြားလည်း ၁၉၈၈ ခုနှစ် အရေးအခင်းမှာ မဆလစစ်တပ် ကိုပြန်လည်တိုက်ခိုက်သည်အထိ လုပ်ဆောင်ခဲ့၍ မြောက်ဥ က္ကလာပ အနီး ဝေဘာဂီအရပ်သို့ အတင်းအကျပ်ပို့ဆောင်ခဲ့သလို နောက်ပိုင်း ထို အပြောင်းအရွှေ့ခံများ၏ နေရာကို မြ၀တီ တိုက်ခန်းဟုအမည်တပ်ကာ စစ်တပ်ကသူတွေကိုပေးခဲ့ပါတယ်။ တခြားအမျိုးသားပြန်လည် သင့်မြတ်ရေးတို့ တိုင်းပြည်ဖွံ့ဖြိုးတိုးတက်ရေးဆိုတာတွေအသာထား ပါလီမန်ခေတ် နဲ့ စစ်တပ်ကသူတွေ အုပ်စိုးတဲ့ အိမ်စောင့်အစိုးရ၊ မဆလ၊ နအဖ နှင့် န၀တ လက်ထပ် ကျူးကျော်ရပ်ကွက်ဖယ်ရှားတဲ့ အသေးအမွှားကိစ္စကို ကိုင်တွယ်ပုံခြင်း ဆီနဲ့ရေလို ကွဲပြားတာမြင်ရမှာပါ။

၁၉၉၃ ခုနှစ်လောက်က ဖောင်ကြီးဗဟိုဝန်ထမ်းတက္ကသိုလ် တက်နေသည့် မိတ်ဆွေအမကြီးတစ်ဦးကို ရုံးပိတ်ရက် 0utpass ရသည်ကို သွားကြိုပါရန် သူ့မိသားစုက အကူအညီတောင်းသဖြင့် သူငယ်ချင်းတစ်ဦး ကားဖြင့် ဖောင်ကြီးသို့သွားရာ လမ်းမှားပြီး မြေလမ်းတစ်ခုပေါ်ရောက်သွားခဲ့သည် ထိုလမ်းသည် အလွန်ငြိမ်သက်ကာ မောင်းနေသော သူငယ်ချင်းက မြေလမ်းဖြစ်ပြီး မောင်းလို့ကောင်းလှချည်း ဟုအသံထွက်ရွတ်ရသည်အထိ ပါဘလေကာ ၈၂ မော်ဒယ်ကားလေးသည် ငြိမ်ပြီး မောင်းလို့ကောင်းမှန်းမသိ ကောင်းနေသည်။ တော်တော် လှမ်းလှမ်းရောက်မှ ကျွန်တော်မှတ်မိသလောက် ၁၅ မိုင် ၂၀ မိုင်လောက် ရောက်မှ လယ်တဲတစ်ခုအတွင်း လယ်သမားများကို ဖောင်ကြီးကို ဒီလမ်းအတိုင်းသွားရင်ရောက်သလားဟု ကားရပ်ပြီး မေးကြည့်သောအခါ ရောက်တော့ရောက်တယ် ဒါပေမယ့် ဖောင်ကြီးလမ်းတော့မဟုတ်ဘူးလို့ ပြောပါသည်။ ထိုအခါ သူငယ်ချင်းက လယ်သမားကြီးကို ဒီလမ်းကဘာလမ်းလဲဦးလေး လမ်းက မြေလမ်းဖြစ်ပြီး အရမ်းငြိမ်ကာ ကားမောင်းလို့ အရမ်းကောင်းသည်လို့ ပြောတော့.. လယ်သမားကြီးက ပြည်တော်သာစီမံကိန်း လက်ထက် အပြီးမသတ်ခဲ့သည့် ရန်ကုန်မန္တလေးအမြန်လမ်းမကြီး၏ အစပိုင်းဖြစ်ကြောင်း လမ်းဖောက်စဉ်က လမ်းမြေသားအနက်ကို ၁၀ ပေကျော်ခန့်တူးကာ ကျောက်ချ မြေဖို့ပြီး တည်ဆောက်ခဲ့၍ ကတ္တရာလမ်းအဆင့်မရောက်မီပင် အလွန်ကောင်းကြောင်း ရှင်းပြခဲ့ပါသည်။

ထို့နောက် ထိုလမ်းမကြီးအကြောင်းသိရသည်မှာ ထိုလမ်းဖောက်သည့် အကူအညီမှာ world Bank မှဖြစ်ပြီး၊ လမ်း စဖောက်သည်တွင် တရုတ်နိုင်ငံမှ အမေရိကန်စစ်လေယာဉ်များဆင်းသက် နိုင်သည်ဟု အကြောင်း ပြခဲ့ကြောင်း ထို့ကြောင့် ဦးနေ၀င်းလက်ထပ် လမ်းစီမံကိန်းကို ရပ်နားခဲ့ပြီး၊ တရုတ်အစိုးရမှ ရန်ကုန် မန္တလေး လမ်းဟောင်းကို လေယာဉ်ဆင်းသက်၍ မရအောင် ရေလည်ကျွန်းများခံကာ အဆင့်မြှင့်ပေးမည်ဟု ကမ်းလှမ်းခဲ့ပါသည်။ တကယ်လည်း အကောင်အထည် ထိထိရောက်ရောက် မပေါ်ပါ။ ခု နအဖ လက်ထပ် ရန်ကုန် နေပြည်တော်အမြန်လမ်းမကြီး ဟုခေါ်တွင်ကာ သူတို့အကြီးအကဲကဘဲ လမ်းညွှန်သယောင်နဲ့ ပြည်တော်သာစီမံကိန်း၏ လမ်းစီမံကိန်းတစ်ခုကို ပုံတူးကူးချကာ ညာဖြီးခဲ့သည်။ ထိုလမ်းအူကြောင်း အတိုင်းယူကာ ဆောက်လုပ်ခဲ့ကာ အရှက်မရှိ ဖွင့်လှစ်ခဲ့သည်။

၎င်းလမ်းမကြီးတည်ဆောက်ခြင်း၊ အခြားသော မူးမြစ်ဝှမ်း။ ပေါင်းလောင်းစီမံကိန်းများ ဆောင်ရွက်ခြင်းများသည် အလွန်ကောင်းပါသည် မကောင်းတာက ပါလီမန်ဒီမိုကရေစီ ခေတ်ကရှိခဲ့သည့် စီမံကိန်းများကို နအဖဗိုလ်ချုပ်များ လမ်းညွှန်ခဲ့သယောင် လိမ်လည်လှည့်ဖျား ခြင်းပင်ဖြစ်သည်။ ထို့ထက်ဆိုးသည်မှာ ပါလီမန်ဒီမိုကရေစီခေတ် တိုင်းပြည်ဖွံ့ဖြိုးရေး ဆောင်ရွက်ပုံနှင့် စစ်တပ်ကသူများ တိုင်းပြည်အုပ်ချုပ်စဉ် ဆောင်ရွက်ပုံအဆင့်ဆင့်သည် ပြည်သူများအတွက် မဟုတ်ဘဲ စစ်တပ်နန်းဆက် တည်ဆောက်ရေးအတွက်သာ ဖြစ်နေသည်မှာသာ အလွန်ယုတ်ညံ့လွန်းသည်။ ကိုယ်ပိုင်ဥာဏ်မရှိ တဲ့အထဲ သူများဆီက ခိုးကာ အကြီးအကဲများ ၏လမ်းညွှန်ချက်ဟု ညာဖြီးနေသည်မှာ ရှက်စရာပင်ဖြစ်သည်။

နအဖဗိုလ်ချုပ်တွေအတွက် မြေအောက်သင်ချိုင်းများ

BBC ညပိုင်းအစီအစဉ်မှာBertil Lintnerရဲ့ Tunnels, Guns and Kimchi: North Korea’s Quest for Dollars – Part I, North Korea digs tunnels for Burma’s brutal, secretive regime ဆိုတဲ့ Yale online Magazine မှာတင်ထားတဲ့ဆောင်းပါးအကြောင်းကို Bertil Lintner နဲ့ အင်တာဗျူးကို ထုတ်လွှင့် သွားပါတယ် အောက်က ပုံတွေက အဲဒီမဂ္ဂဇင်းမှာ တွေ့တဲ့ နအဖ ဗိုလ်ချုပ်တွေအတွက် မြေအောက်သင်ချိုင်းပါ..

တိုင်းပြည်က၀င်ငွေတွေကို အကျိုးရှိရှိအသုံးမချဘဲ ကြောက်လန့်တကြားမြေအောက်အောင်းခြင်တဲ့ စစ်အာဏာရူးတွေပါ ..

























online Magazine link http://yaleglobal.yale.edu/display.article?id=12442